السؤال الاول اللي دايماً بيتوجه لينا بنسبه 90% انتوا شغالين ولا لا ⁉️
حضرتك اول ما بتدخل الموقع اول حاجه قدامك في اعلي الهيدر خالص بتوضح اهم ميزه في الموقع كله وهي حاله الموقع نفسها
"SERVICE WORKING" ومعناها ان احنا شغالين
"SERVICE NOT WORKING" ومعناها ان احنا مش شغالين
نيجي بقي للسؤال التاني هل لو عملت تحويله خارج مواعيد العمل عادي⁉️
اه طبعاً عادي ومهم كمان لان طبعاً طبيعه شغل الموقع من جانب الاداره بناخد التحويلات بالدور يعني الاقدم ثم القديم ثم الجديد ثم الاجدد يعني ايه الكلام ده .. يعني حضرتك مهما حصل وعملت تحويله وكانت خارج مواعيد العمل خلاص كده حضرتك اخدت دور وليك اولويه افضل واسرع من غيرك اللي لسه هيعمل تحويله داخل مواعيد العمل
بالنسبه للسؤال التالت وهو طب لو عملت تحويله دلوقتي هتوصل ⁉️
مهو لا انا ولا حضرتك هنعلم الغيب .. وارد تعمل تحويله يكون قبلك 5 او يكون قبلك 1 او ميكونش في خالص اجابتنا علي السؤال مش هتكون مضمونه بس تكفي في عز الضغط اوي تحويلتك هتاخدها في اقل من ساعه المهم تكون داخل مواعيد العمل
نيجي بقي للسؤال الرابع والاهم هي مواعيد العمل امتي ..⁉️
احنا زمان كنا شغالين من 12 لـ 12 .. بس لما قاعده عملاء الموقع زادت بقينا نشتغل ممكن في اليوم 18 ساعه او اكتر .. بس هعرفك التوقيت بالنسبه يعني ممكن يومياً نبدا من 1 او 2 الضهر ونخلص 4 او 6 الصبح وهكذا علي حسب ضغط وشغل الموقع بس معاك ان الموقع بيتفتح من 12 لحد 2 الضهر في الفتره دي وارد يفتح الموقع 12 او 1 او 2 ولما بنخلص شغل بنتأكد تماماً ان مافيش ولا تحويله علي الموقع وعاوزك تعرف حاجه مهمه حضرتك لو عملت تحويله ايا كان وقتها ايه طالما حاله الموقع بالاخضر كده "SERVICE IS WORKING" يبقي هتاخدها مهما حصل في يومها وفي وقتها بس هي مسأله دور مش اكتر
متجيش حضرتك وقت ما الموقع يكون خارج مواعيد العمل وتشتكي وتقول انا تحويلتي قعدت اكتر من 4 ساعات وموصلتش .. كل حاجه علي الموقع موجوده بكل شفافيه وعشان حاله الموقع مهمه حطناها اعلي حاجه في الموقع في هيدر
لوحده بجانب سعر الصرف وايقونات التواصل الاجتماعي
ولازم تفهم ان في حالات زي وقف خدمات الكاش بسبب صيانه خاصه بالشركات زي فودافون كاش اورانج كاش وغيرهم من المحافظ وده بيكون عطل عام احنا مالناش يد او دخل فيه احنا زيك بظبط ولما الخدمه بتستقر وبتشتغل تاني بيتم الانتهاء من الطلبات المعلقه واللي بتكون معظمها سحوبات اتمني التفهم والصبر
نقطه مهمه لجميع العملاء اللي بتشتكي ان تحويلتها اتأخرت كانت تحويلتها خارج مواعيد العمل وده بيخلي اي عميل جديد ثقته بتكون اتهزت لان واخد بالظاهر فقط ومش واخد باله ان العميل نفسه هو اللي اخطأ مش احنا وبفضل الله حتي لو في اي تعليق سلبي بنوضحه ومش بنمسحه لاننا مهما حصل احنا لينا سمعتنا من سنين اتمني عزيزي العميل انك تاخد بالك من حاله الموقع وكمان وضحنا جميع الحالات ليك واتمني من بعض العملاء متجيش تعمل تحويله وتكون مستعجله علي شغلها لان غيرك برضه بيكون مستعجل وحط في بالك دايماً مصلحه الغير وحط في اعتبارك اليه عمل الموقع وان الموقع ممكن يتأخر بسبب الضغط عكس ما بيتم التحويل في دقايق... ⌚️ واداره الموقع بتتمني لكم سنه سعيده ورمضان كريم وكل عام وانتم بألف خير يعود عليكم الايام بالخير واليمن والبركات ويرزقكم من اوسع ابوابه بالرزق الحلال 🎇🎁
